ესპანური გამოცემების ცნობით, ლუკა მოდრიჩის მომავალი პოლ პოგბას ტრანსფერზე იქნება დამოკიდებული...

იმ შემთხვევაში, თუ სამეფო კლუბი ფრანგი ნახევარმცველის გადმობირებას შეძლებს, მოდრიჩთან კონტრაქტის გახანგრძლივებაზე საუბარი აღარ განახლდება, ვინაიდან ანჩელოტი სწორედ პოლში ხედავს ლუკიტას იდეალურ შემცვლელს.

დიახ, „ბლანკოსი“ პოგბას უფასოდ დაიმატებს, მაგრამ მინო რაიოლა მინიმუმ 15 მილიონიან სატრანსფერო ბონუსს მოითხოვს. ასევე ბონუსი განისაზღვრება თავად ფეხბურთელისთვისაც, რომელიც მინიმუმ 20 მილიონიანი იქნება. (ასე იყო ალაბას შემთხვვაშიც).

გარდა ამისა გასათვალისწინებელია ხელფასი, ეს ციფრი 12 მილიონზე მეტი უნდა იყოს. აღნიშნული შემოსავალი პოლს პრემიერლიგაში აქვს, შეთანხმების შემთხვევაში კი მან საუკეთესო კონტრაქტი უნდა მიიღოს.

გამოდის, რომ პოლის დამატება მაინც უკავშირდება დიდ ხარჯებს, მოდრიჩის გაშვებით კი „რეალი“ 10 მილიონზე მეტს დაზოგავს (მოიაზრება ყველა ხარჯი).

როგორც სჩანს, მადრიდელები ფრანგს ელოდებიან და ლუკას ახალ კონტრაქტზე ნაბიჯების გადადგმას სწორედ ამიტომ არ ჩქარობენ.