შეიძლება ითქვას, რომ მარიანო დიასის მადრიდული კარიერა არ შედგა.

დომინიკელ თავდამსხმელს საკმაოდ იშვიათად ეძლევა თავის გამოჩენის საშუალება. „ლიონიდან“ დაბრუნების შემდეგ, მან ვერადავერ მოახერხა „რეალის“ შემადგენლობაში ადგილის დამკვიდრება. განვლილ ზაფხულს, მისი გადაბირება „რაიო ვალეკანოს“ სურდა, თუმცა ფეხბურთელმა უარი განაცხადა „სანტიაგო ბერნაბეუს“ დატოვებაზე.

პორტალ Fichajes.net-ის ინფორმაციით, მარიანოს შესაძლებლობებით დაინტერესებულია ხუან ლოპეტეგი, რომელიც იუსუფ ელ ნესირის დამტვრევის შემდეგ, ფორვარდის ძიებაშია. როგორც ცნობილია, მაროკოელი დაახლოებით 3 თვის განმავლობაში იუქმებს.

დიდი ალბათობით, სევილიელები იანვრის სატრანსფერო ფანჯარაზე მიმართავენ სამეფო კლუბს მარიანოსთან დაკავშირებით.