იკერ კასილიასი სევილიას უნივერსიტეტს სტუმრობდა, სადაც ადგილობრივი პუბლიკის წინაშე ბევრ საინტერესო საკითხზე ისაუბრა. „რეალის“ ყოფილ კაპიტანს საფეხბურთო კითხვებზეც მოუწია პასუხის გაცემა.

„ვფიქრობ, სამეფო კლუბს შეუძლია ჩემპიონთა ლიგის მოგება. ჩემი აზრით, მიმდინარე გათამაშებაში 4 ან 5 ფავორიტი გუნდი იკვეთება. „ბაიერნსაც“ საკმაოდ ძლიერი შემადგენლობა ჰყავს.“

„რაც უფრო კონკურენტუნარიანი იქნება პრიმერა დივიზიონი, გაცილებით უკეთესია. გახარებული ვარ, ვინაიდან ჩემი გუნდი მოწოდების სიმაღლეზეა. ყოველკვირეულად საკმაოდ კარგი შეხვედრების მომსწრენი ვართ. ძალიან მომწონს „რეალ სოსიედადიც.““

„მწვრთნელობით ამ ეტაპზე არ ვინტერესდები. ჩემს გუნდში იყვნენ ფეხბურთელები, რომლებსაც განსაკუთრებული უნარი ჰქონდათ, მაგრამ ვთვლი, რომ ჯერ-ჯერობით აღნიშნული საქმიანობისთვის მზად არ ვარ. კარგ დამრიგებლობას სხვა უნარ-ჩვევები სჭირდება.“

MARCA