გერმანული და ესპანური გამოცემების ცნობით, მადრიდის „რეალის“ პრეზიდენტი, ფლორენტინო პერესი „ბაიერ ლევერკუზენის“ ნახევარმცველის დამატებაზე უკვე მუშაობს და ეს შეთანხმება გარდაუვალია...

„რეალს“ გადაწყვეტილი აქვს, რომ კონკურენტებს დაასწროს და ახალგაზდა ნახევარმცველი, ფლორიან ვირტსი დაიმატოს. შეთანხმება იანვარში უნდა შედგეს, სატრანსფერო ღირებულება კი დაახლოებით 70 მილიონი ევრო იქნება.

ნახევარმცველზე პრეტენზიას, „ჩელსი“, „სიტი“, „ბაიერნი“ და მანჩესტერ „იუნაიტედიც“ აცხადებენ და ეჭვი არავის ეპარება, რომ მოთამაშე „ბაიერის“ შემადგენლობაში დიდი ხნით არ დარჩება.

ფეხბურთელის სტატისტიკა იმდენად დამაჯერებელია, რომ პერესი გაჩერებას არ აპირებს. ფეხბურთელი განსაკუთრებული სტაბილურობით, არნახული სიზუსტით და მყარი ფსიქიკით გამოირჩევა, რაც მის ასაკში ნამდვილად ნიშანდობლივია.

ესპანური გამოცემების ცნობით, იანვარში მადრიდის „რეალის“ უპირველესი მიზანი სწორედ ფლორიანი იქნება.