ანჩელოტის შეგირდებმა დღეს კიდევ ერთი სამწვრთნელო სესია გამართეს...

ესპანურმა გუნდმა დღევანდელ ვარჯიშზე დიდი ყურადღება დაუთმო ფიზიკური კონდიციების გაუმჯობესებას. სატრენაჟორო დარბაზში გუნდმა ძალიან ბევრი დავალება შეასრულა.

მზადების მეორე ნაწილში გუნდმა მწვანე მინდორზე გადაინაცვლა და სამუშაოები შეასრულა, როგორც ბურთით, ასევე მის გარეშე.

განსაკუთრებული ყურადღება ექცევა პრესინგს, ბურთის ფლობას, ტაქტიკურ მონახაზებს და დაცვაში კარგ თამაშს.

სებალიოსი კვლავ ინდივიდუალური პროგრამით ვარჯიშობს და აღდგენით პროცესს გადის, როდრიგო, მარიანო და ვალვერდე კი თითქმის სრულად მზად არიან და თანაგუნდელების მსგავსად იტვირთებიან.

გუნდი სანაკრებო შეკრების გამო კვლავ განახევრებული შემადგენლობით ვარჯიშობს, მომდევნო კვირიდან კი ეტაპობრივად შეივსება.