როგორ იცით, სოციალურ პლატფორმა TikTok-ზე, სადაც მილიონობით მომხმარებელია გაწევრიანებული, საფეხბურთო კლუბებიც, მათ შორის „რეალი“ და „ბარსელონა,“ ფლობენ ოფიციალურ ანგარიშებს.

გუშინ, აღნიშნული სივრცე საკმაოდ სახალისო ფაქტმა მოიცვა. „ბარსელონას“ მიერ გამოქვეყნებულ ვიდეოს, ავტორმა დაადო სიმღერა, რომელსაც ჰქონდა შემდეგი დასახელება - „თუ რონალდუ გირჩევნია მესის, გამოიყენე ეს მელოდია.“

სანამ კატალონიელები დაშვებულ შეცდომას აღმოაჩენდნენ, „რეალის“ გვერდის მმართველებმა რონალდუს ვიდეო გააზიარეს (სადაც მას „კულეების“ კარში გოლი გააქვს) ამ მელოდიის ფონზე და სათაურად დაურთეს - „ჩვენ ვეთანხმებით.“