სერხიო რამოსი ახლოს არის ახალ კლუბში სადებიუტო შეხვედრის ჩატარებასთან.

როგორც იცით, ამ დრომდე, ტრავმის გამო, მას არ მისცემია „პსჟ“-ს მაისურის მორგების საშუალება. უახლესი ინფორმაციით, ანდალუსიელმა მცველმა უკვე დაიწყო სრული დატვირთვით ვარჯიში და დიდი ალბათობით, სანაკრებო ბატალიების დასრულების შემდეგ სათამაშო წუთებსაც მიიღებს.

ფრანგული L'Équipe-ს ინფორმაციით, „რეალის“ ყოფილი კაპიტნის ანაზღაურება პოჩეტინოს გუნდში, წელიწადში 6 მილიონ ევროს შეადგენს. ის თავისუფალი აგენტის სტატუსით გადაბარგდა „ლურჯების“ რიგებში, თუმცა, ტრანფერის ბონუსი არ მიუღია.

AS