ესპანური გამოცემების ცნობით, ყატარელი ემირი, რომელიც „პსჟ“-სთვის საკვანძო გადაწყვეტილებებს იღებს და ნასერ ალ ჰელაიფს მის გარეშე მოქმედების არეალი შეზღუდული აქვს, მადრიდის „რეალთან“ მოლაპარაკებებს დათანხმდა...

ეს იმას ნიშნავს, რომ ყატარული მხარე ასპარეზზე ბრუნდება და იანვარში ფლორენტინო პერესთან აქტიური მოლაპარაკებები შედგება. როგორც სჩანს, „პსჟ“-ს მბაპესთან გახანგრძლივების ყველა იმედი დაკარგული აქვს და ფეხბურთელის გაშვებაზე უკვე თანხმობას აცხადებს.

პარიზს გარკვეული თანხის მიღება სურს, თუმცა ეჭვი არავის ეპარება, რომ ფლორენტინო მბაპეს სანაცვლოდ ისევ 180 მილიონ ევროს არ გადაიხდის. ეს უბრალოდ გამორიცხულია.

თუმცა ვრცელდება ინფორმაცია, რომლის მიხედვითაც, პერესი 70-80 მილიონს გაიღებს და ამით კილიანს ვერგადმობირების რისკის დაზღვევასთან ერთად, „პსჟ“-ს კეთილგანწყობასაც მოიპოვებს და ყველას დაუმტკიცებს, რომ ლოტინი მადრიდისთვის ძვირფასია.

Defensacentral კი იუწყება, რომ დღეები გასვლასთან ერთად ფრანგთან დაკავშირებით ბევრი რამ გახდება ცნობილი, ტრანსფერის იანვარში განხორციელების შანსი კი საკმაოდ მაღალია.