კარიმ ბენზემასათვის მიმდინარე სეზონი შესანიშნავად მიმდინარეობს. „ცხრიანი“ ლა ლიგის ბომბარდირთა დავას ერთპიროვნულად ლიდერობს. ახლა ის საფრანგეთის ნაკრების ბანაკშია და უკვე საერთაშორისო დონეზე ეცდება თავის გამოჩენას.

„რეალის“ ფორვარდზე ქვეყნის ფეხბურთის ფედერაციის პრეზიდენტმა, ნოელ ლე გრემ ისაუბრა. მისი განცხადებით, ვალბუენას შესაძლო შანტაჟის საქმეზე რა გადაწყვეტილებაც არ უნდა გამოიტანოს მოსამართლემ, კარიმს ეროვნული გუნდიდან მოკვეთა არ ემუქრება: „სანქცია? რა თქმა უნდა, არა. ფეხბურთელების გამოძახებაზე პასუხისმგებელი არის მწვრთნელი და სასამართლოს განჩინება ამაზე ზეგავლენას ვერ მოახდენს. დამნაშავედაც რომ სცნონ, მას აქვს გასაჩივრების უფლება და აღნიშნულ პერიოდშიც შეძლებს თანამემამულეების გვერდით ასპარეზობას.“

შეგახსენებთ, რომ „მამლებმა“ ერთხელ უკვე დაუკეტეს ეროვნული ნაკრების კარი ბენზემას. ცნობილი სკანდალის გამო, ის 2015-დან 2020 წლამდე ჩამოშორებული იყო „ლურჯებს.“

AS