სანტიაგო სოლარიმ ვინისიუს ჟუნიორზე ისაუბრა. უნდა აღინიშნოს, რომ სწორედ სოლარი იყო პირველი ადამიანი, რომელმაც ბრაზილიელ შემტევს ძირითადი შემადგენლობისკენ გზა გაუხსნა.

„ვინისიუსისთვის არ ჰქონდა მნიშვნელობა მთავარ გუნდში ითამაშებდა, „კასტილიაში“ თუ კიდევ უფრო ახალგაზრდა მადრიდისტებთან ერთად. ის იყო თავმდაბალი, საოცრად მოტივირებული და მიზანდასახული ფეხბურთელი.“

„მე მას ვენდე, რადგან მჯეროდა, რომ უდიდეს პერსპექტივას ფლობდა და სიმაღლეებზე ასვლა შეეძლო.“

„დღეს სულ სხვა ბრაზილიელს ვხედავთ, რომელსაც ზურგს უკვე დიდი გამოცდილება უმაგრებს. მჯერა, რომ ჟუნიორი ამ გზით აუცილებლად მივა მწვერვალებამდე.“