ფრანგული გამოცემების ცნობით, ნასერ ალ ჰელაიფს გადაწყვეტილება მიღებული აქვს და მადრიდის „რეალისთვის“ კარიმ ბენზემას წართმევას აპირებს...

„ბლანკოსი“ ჰოლანდსა და მბაპეზე ინტენსიურად მუშაობს, მაგრამ როგორც სჩანს, პარიზელები გაჩერებას არ აპირებენ და ანჩელოტის საყვარელი ფეხბურთელის წაყვანა სურთ.

ეჭვი არავის ეპარება, რომ „9“-იანის „პსჟ“-ში მოხვედრის შანსი ძალიან დაბალია, თუმცა ალ ჰელაიფი გაჩერებას არ აპირებს და სამოქმედო გეგმის დამუშავების პროცესშია.

LE10Sport-ისა და DC-ს ინფორმაციით, პარიზული მხარე კარიმის მიმართ ინტერესს ოფიციალურად მალე დაადასტურებს და მას საოცარ კონტრაქტს შესთავაზებს.