ლოთარ მათეუსის აზრით, მადრიდის „რეალს“ სერხიო რამოსის სახით მენტალური ლიდერი ჰყავს დაკარგული.

„„რეალი“ ხშირად იგებს, მაგრამ ასევე ხშირად იბნევა და გადამწყვეტ მომენტში სათანადოდ ვერ მოქმედებს. იცით ეს რისი ბრალია? სერხიო რამოსის დაკარგვის.“

„ვფიქრობ, „ბლანკოსმა“ მსოფლიოს საუკეთესო მცველთან ერთად დაკარგა მენტალური ლიდერი, რომელიც გუნდს უდიდეს დახმარებას უწევდა.“

„ალაბა ძალიან ძლიერი ფსიქიკის მოთამაშეა, თუმცა ის სერხიოს სრულფასოვანი შემცვლელი ვერ იქნება, ვინაიდან კაპიტანმა მთელი ცხოვრება „მერენგების“ სადარაჯოზე გაატარა.“