კარლო ანჩელოტისთვის „რაიო ვალეკანოსთან“ გამარჯვება ისტორიული გამოდგა.

იტალიელმა სპეციალისტმა მადრიდის „რეალის“ მწვრთნელის რანგში მე-100 დაპირისპირება მოიგო. უნდა აღინიშნოს, რომ 100 მატჩის მოგებისთვის იტალიელს 135 პაექრობა დასჭირდება და მასზე უკეთესი შედეგი მხოლოდ ჟოზე მოურინიოს აქვს. პორტუგალიელს ამისთვის 133 დაპირისპირება ეყო.

უნდა აღინიშნოს, რომ „100-იანთა კლუბის“ წევრი ანჩელოტისთან ერთად „ბლანკოსის“ მხოლოდ რამდენიმე დამრიგებელი იყო.

მოლოუნის 107 გამარჯვება აქვს დაფიქსირებული, ბეენჰაკერს 121, მოურინიოს 128, დელ ბოსკეს 133, ზიდანს 172, ხოლო მიგელ მუნიოსს 357. ანჩელოტი ამ სეზონშივე გააუმჯობესებს მოლოუნის 107 მატჩიან შედეგს, ხოლო წარმატებული სეზონის შემთხვევაში 22 გამარჯვებასაც დააფიქსირებს და ბეენჰაკერსაც ჩამოიტოვებს. ლა ლიგის დარჩენილ მატჩებში, ასევე ჩემპიონთა ლიგაზე, სამეფო თასსა და ესპანეთის სუპერთასზე სავსებით შესაძლებელი იქნება 22 გამარჯვების მოპოვება.