კარლო ანჩელოტი დაცვის გაძლიერებაზე სერიოზულად ფიქრობს. მიუხედავად იმისა, რომ მილიტაო და ალაბა საკმაოდ კარგად ამაგრებენ ცენტრს, კარლიტო ანტონიო რუდიგერს არ ივიწყებს.

ესპანური გამოცემების ცნობით, კარლიტომ ფლორენტინო პერესს კიდევ ერთხელ მიმართა და რუდიგერის პრეტენზიების დაკმაყოფილება სთხოვა.

ანტონიო წელიწადში 12 მილიონს ითხოვს, „ბლანკოსი“ კი მაქსიმუმ 10 მილიონზეა თანახმა, აქედან გამომდინარე, მოლაპარაკებები ისევ იწელება.

2022 წლის იანვარში ანტონიოს წარმომადგენლობა მადრიდში ვიზიტს და „რეალის“ მესვეურებთან შეხვედრას გეგმავს, სადაც ბევრი რამ გახდება ცხადი.