დე ზერბი:„ანჩელოტი ყველა მწვრთნელისთვის საორიენტაციო ნიშანია“
„შახტარის“ მთავარმა მწვრთნელმა „რეალთან“ მატჩის წინ პრესკონფერენცია გამართა, სადაც „ბლანკოსის“ მთავარ უპირატესობებსა და კარლო ანჩელოტიზეც ისაუბრა.
„მივიჩნევ, რომ მადრიდის „რეალს“ ანჩელოტის სახით მსოფლიოს ერთ-ერთი საუკეთესო მწვრთნელი ჰყავს. ის არის სხვა დამრიგებლების საორიენტაციო ნიშანი ძალიან დიდი ღირსებებითა და გამოცდილებით. იტალიელი სპეციალისტი ფეხბურთელებს ყოველთვის განსაკუთრებულ სიმშვიდეს და მოტივაციას აძლევს.“
„მნიშვნელოვანია ჩვენი ფილოსოფია არ დავკარგოთ და შევინარჩუნოთ. როდესაც „რეალის“ დონის კლუბს ეთამაშები გუნდურად უნდა მოიგო, კონკრეტულ ფეხბურთელებზე ყურადღების გამახვილება არ ღირს. დიახ, ვინისიუსი ძალიან სახიფათოა, მან არნახული პროგრესი აჩვენა, იგივეს თქმა შეიძლება ბენზემაზეც, თუმცა ჩვენ მთლიანად გუნდს ვუპირისპირდებით და არა ცალკეულ ინდივიდებს.“
„მიუხედავად, მრისხანე მეტოქისა, „შახტარი“ თავის სტილს არ უღალატებს და ლაღი ფეხბურთის ჩვენებას შეეცდება.“
„ჩვენ დავნერგეთ ახალი სისტემა, ახლა კი ადაპტაციას გავდივართ, რომელსაც ბუნებრივია, რომ დრო სჭირდება. მჯერა, რომ წარმატებას მივაღწევთ.“
- 2 ნოემბერი 2021
- 1 134
- 16
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
