კარლო ანჩელოტიმ ფეხბურთელების დასვენება გადაწყვიტა. გადატვირთული გრაფიკიდან გამომდინარე, იტალიელი თვლის, რომ დღევანდელი დღე მოთამაშეებმა რელაქსაციას უნდა დაუთმონ.

„შახტართან“ მატჩისთვის მზადებას „ბლანკოსი“ ხვალ დაიწყებს. გუნდს 2 დღე ექნება იმისათვის, რომ ჩემპიონთა ლიგის ჯგუფური ეტაპის მე-4 ტურისთვის სათანადოდ მოემზადოს.

3 ტურის თავზე „მერენგები“ 6 ქულას ფლობენ, მათი მიზანი კი მორიგი გამარჯვების მოპოვება და 1/8 ფინალის საგზურის ფაქტობრივი განაღდება იქნება.

შეგახსენებთ, „შახტართან“ დაპირისპირებას სამეფო კლუბი საშინაო არენაზე, 3 ნოემბერს გამართავს.