მადრიდის „რეალმა“ „ელჩესთან“ მატჩში განსაკუთრებული სიზუსტე გამოიჩინა, რაც თავის მხრივ შედეგზეც აისახა.

გოლის გატანის მცდელობა „ელჩეს“ 13-ჯერ ჰქონდა, ხოლო მადრიდულ გრანდს 17-ჯერ.

ბურთის ფლობის მხრივ ანჩელოტის გუნდმა 56%-იანი მაჩვენებელი დააფიქსირა.

რაც შეეხება თამაშის წესების დარღვევას, „ელჩეს“ ფეხბურთელები 11-ჯერ დაჯარიმდნენ, ხოლო „ბლანკოსის“ 13-ჯერ.

„ბლანკოსმა“ 90 წუთის მანძილზე 580 პასი გააკეთა, საიდანაც 523 ზუსტი აღმოჩნდა, რაც თავისთავად ძალიან მაღალი შედეგია.

ანჩელოტის ბიჭებმა შეტევა 114-ჯერ წამოიწყეს, საიდანაც 54 შემთხვევაში იერიშმა სახიფათო სახე მიიღო.