ტიბო კურტუამ მადრიდის „რეალისა“ და „ოსასუნას“ დაპირისპირების შემდეგ ჟურნალისტებთან ისაუბრა.

„ცარიელი სივრცეების პოვნა გვიჭირდა, „ოსასუნას“ დაცვა მართლაც ძალიან მაღალ დონეზე თამაშობდა და საბოლოო ჯამში ნულოვანი ფრე დავაფიქსირეთ, რაც ძალიან სამწუხაროა.“

„ვიცოდით, რომ პამპლონური კლუბი უკანა ხაზში ყოველთვის ზუსტი იყო. სატურნირო ცხრილში ყველაფერი კარგად არის ასახული.“

„სიმართლე გითხრათ, არ ვიცი რა კრიტერიუმებით მოქმედებენ მსაჯები მატჩებზე წუთების დამატების დროს. არბიტრმა 4 წუთი დაამატა იმ ფონზე, რომ მატჩი რამდენჯერმე შეჩერდა, ცვლილებები კი საკმაოდ ბევრი იყო.“

„ყოველთვის ვერ მოვიგებთ, მაგრამ ასეთ დაპირისპირებებში წარმატების მიღწევა გვმართებს. ჩვენ შეგვეძლო ერთპიროვნული ლიდერის სტატუსის მოპოვება, მაგრამ ვერ მოვახერხეთ.“