მადრიდის „რეალის“ ფეხბურთელებმა „ელ კლასიკოს“ შემდეგ აღდგენითი ვარჯიში გამართეს...

დღევანდელ სესიაზე, „ნოუ კამპზე“ სასტარტო შემადგენლობაში მყოფმა ფეხბურთელებმა განსხვავებული დავალება მიიღეს, დანარჩენები კი 100%-ით დაიტვირთნენ.

ფედერიკო ვალვერდემ და ტიბო კურტუამ გუნდთან ერთად ვერ ივარჯიშეს, ორივე მოთამაშეს სამედიცინო შემოწმება სჭირდება.

სრულად მზად არ არის კარიმ ბენზემაც, რომელსაც კოჭის პრობლემა ჰქონდა და „ბარსელონასთან“ გამაყუჩებელის დახმარებით ითამაშა.

სესიაზე კარლო ანჩელოტიმ დიდი ყურადღება დაუთმო, როგორც ფიზიკურ კონდიციებს, ასევე ტაქტიკურ მონახაზებს, ბურთის ფლობას და პრესინგს. ხვალ „რეალი“ ფინალურ სესიას გამართავს.