დანი კარვახალმა „ელ კლასიკოში“ რამდენიმე წუთი გაატარა მოედანზე, თუმცა ეს მატჩი მისთვის ნამდვილად საიუბილეო გამოდგა.

ესპანელმა განაპირა მცველმა „ბლანკოსის“ მაისურით უკვე 300 დაპირისპირებას მოუყარა თავი. დანიმ „ბლანკოსის“ სადარაჯოზე მე-9 სეზონი დაიწყო.

300 დაპირისპირებიდან 202 შემთხვევაში ესპანელმა მოედანი გამარჯვებულის სტატუსით დატოვა.

300 დაპირისპირებიდან 204 ლა ლიგაზე მოდის, 58 ჩემპიონთა ლიგაზე, 21 სამეფო თასზე, 7 მსოფლიო საკლუბო ჩემპიონატზე, 4 ევროპის სუპერთასზე და 6 ესპანეთის სუპერთასზე.

ჩატარებული მატჩების მიხედვით, საუკეთესო სეზონი კარვახალმა 2023/14 წლებში დააფიქსირა, როდესაც მოედანზე 45-ჯერ გამოჩნდა.

დანი სამეფო კლუბში 16 მოგებული ტიტულით იწონებს თავს.