ესპანური გამოცემების ცნობით, ფიზ.მომზადების მწვრთნელი, ანტონიო პინტუსი დანიელ კარვახალს 30-35 წუთზე მეტის თამაშის რეკომენდაციას არ აძლევს.

აღნიშნული ინფორმაცია პინტუსმა ანჩელოტის უკვე უთხრა. გამოდის, რომ კარვახალი „ელ კლასიკოს“ სასტარტოდან ვერ დაიწყებს და ის მხოლოდ მეორე ტაიმში უნდა გამოჩნდეს მოედანზე.

კარლოს საბოლოო გადაწყვეტილება ჯერ-ჯერობით არ მიუღია. თუ დანი მატჩს არ დაიწყებს, მის ნაცვლად სასტარტოში ნაჩო ფერნანდესი მოიაზრება.