კარლო ანჩელოტიმ „ელ კლასიკოს“ წინ პრესკონფერენცია გამართა.

„ეს არის ცენტრალური მატჩი, როგორც ესპანეთის, ასევე ევროპის დონეზე. „ელ კლასიკო“ ყოველთვის განსაკუთრებულია, ამიტომ ჩვენც განსაკუთრებულად ვემზადებით და გვსურს, რომ ყველა სცენარის განხილვას მოვასწროთ. მადრიდის „რეალის“ ყველა ფეხბურთელი აბსოლუტური მოტივაციით ითამაშებს და ბოლომდე დაიხარჯება. „ნოუ კამპზე“ გასამართი დაპირისპირება ვერ მიიღებს რიგითი მატჩის ხასიათს.“

„„ბარსელონას“ არენაზე არასდროს მომიგია და მგონი დროა ნავსი გატყდეს და გამარჯვებას მივაღწიო. ზუსტად ვიცი, როგორ ითამაშებს ჩემი გუნდი. ჩვენ გავარჩიეთ განვლილი დაპირისპირებებიც და გარკვეული დასკვნების გამოტანა შევძელით.“

„ფეხბურთელებმა კარგად უნდა გაიაზრონ კოლექტიური ვალდებულება. სხვაგვარად წარმატების მიღწევაზე ფიქრიც კი ზედმეტია. ფავორიტზე ვერ ვისაუბრებ, ასეთ დაპირისპირებებში შანსები ყოველთვის თანაბარია.“

„კარვახალი და აზარი გვიბრუნდებიან, ეს ძალიან მნიშვნელოვანი ფაქტია. ჯერ-ჯერობით არ ჩამოვყალიბებულვარ სასტარტო თერთმეტეულზე, თუმცა ამის დრო კიდევ მაქვს.“

„„რეალი“ და „ბარსელონა“ მუდმივი მეტოქეები არიან. ისტორია გრძელდება. ხვალ ერთმანეთს რონალდუ და მესი აღარ შეერკინებიან, თუმცა ახლა ანსუ ფატისა და ვინისიუსზე საუბრობენ. ორივე მოთამაშე ძალიან ახალგაზრდაა, მათ შესაძლებლობების მაქსიმუმი ჯერ არ გამოუვლენიათ და ძალიან ბევრს მიაღწევენ.“

„ვალვერდე შესანიშნავი ფეხბურთელია, ის უნივერსალი გახლავთ და ბევრ პოზიციაზე გვეხმარება. ურუგვაელი ცრუ ცხრიანად? მე ვფიქრობ, რომ მისი მახასიათებლები ნახევარდაცვისთვის არის ზედგამოჭრილი.“

„დიახ, მესმის თქვენი კითხვების შინაარსი. „ელ კლასიკო“ სხვა განზომილებაა, აქ არამხოლოდ ფეხბურთელები, არამედ სრულიად ისტორია და ტრადიციები ხვდებიან ერთმანეთს. „ელ კლასიკო“ სერხიო რამოსს, მესის, რონალდუს და სხვებს არ შეუქმნიან. ეს არის გუნდური პაექრობა და არა ინდივიდუალური.“

„აზარს პრობლემები არ აქვს, თუმცა როგორც ყოველთვის სიფრთხილეს ვიჩენთ. ბელგიელი ძალიან ნიჭიერია და გუნდის დახმარება შეუძლია.“

„ფიზიკური თვალსაზრისით გუნდი მოწოდების სიმაღლეზე დგას, შემადგენლობა კი ოპტიმალურს უახლოდება. მენდის, კროოსის, მარსელოს, ედენისა და კარვახალის დაბრუნებამ ჩვენი ძალები კიდევ უფრო გაზარდა.“

„მესი „ბარსელონაში“ აღარ თამაშობს, მაგრამ გუნდს ზუსტად ისე მოვამზადები მისი წინააღმდეგობის პირობებშიც. ფეხბურთელები იცვლებიან, მაგრამ გუნდის სტილი, იდენტობა და შემართება იგივე რჩება.“

„ჩვენ გვიყვარს ბურთის ფლობა, კომბინაციური თამაში და ესთეტიკა, მაგრამ მუდმივად ერთ სტილში არ ვთამაშობთ. კონკრეტულ დაპირისპირებაში გუნდის სტილს არსებული რეალობა განსაზღვრავს.“

„არ ვაპირებ „ბარსელონას“ ფეხბურთელების შეფასებას, ეს არ არის ჩემი საქმე. მხოლოდ „ბლანკოსზე“ ვარ ორიენტირებული.“