არაერთი გერმანული გამოცემის ცნობით, მიუნხენის „ბაიერნი“ ერლინგ ჰოლანდის ტრანსფერის საკითხს ძალიან სერიოზულად მიუდგა. „რეკორდმაისტერი“ ახალგაზრდა ნორვეგიელ ფორვარდს რობერტ ლევანდოვსკის შემცვლელად მოიაზრებს...

გავრცელებული ინფორმაციით, მიუნხენელებმა „დორტმუნდთან“ ერთი შეხვედრა უკვე გამართეს და საკმაოდ სერიოზული საკითხები განიხილეს. „ბაიერნს“ შანსის ხელიდან გაშვება არ სურს და ფიქრობს, რომ ლევანდოვსკის შემცვლელის ზაფხულში დამატება სერიოზულ პრობლემას გადაჭრის.

აღნიშნულის პარარელურად, მადრიდის „რეალში“ ეს ინფორმაციები უკვე აქვთ და კონკრეტულ გეგმაზე მუშაობენ, რომელიც ფეხბურთელის აგენტის, მინო რაიოლას საბოლოოდ დაყოლიებას ეხება.

ის, რომ ერლინგი 2022 წლის ზაფხულში „ბორუსიას“ რიგებს დატოვებს გადაწყვეტილია, თუმცა მისთვის სერიოზული ბრძოლა გაჩაღდება.