კასილასი: ”თქვენ იხილავთ შესანიშნავ მატჩს გერმანიასთან”
ესპანეთის ნაკრების კაპიტანმა, იკერ კასილასმა, კომენტარი გააკეთა გერმანიასთან მატჩზე...
”როდესაც პარაგვაისთან მატჩი დასრულდა, მე სიხარულისგან დავიჩოქე და ღმერთს მადლობა მოვუხადე. ეს იყო ისტორიული დაპირისპირება, რადგან ესპანეთის ნაკრები ისტორიაში პირველად გავიდა 1/2 ფინალში”.
”პარაგვაელებმა კარგად იცოდნენ, რომ მათ დიდი ენერგიის დახარჯვა მოუწევდათ. მათ ძალიან ბევრი უნდა ერბინათ ჩვენს დასამარცხებლად, რადგან ყველამ იცის თუ როგორ აკონტროლებს ბურთს ”ფურია როხა”. აღსანიშნავია ის, რომ გერმანიასთან მატჩი რადიკალურად განსხვავებული იქნება იმიტომ, რომ ისინი გაცილებით ძლიერები არიან პარაგვაიზე”.
”ჩვენ ახლა წყანარდ ვართ და ვისვენებთ. ველოდებით იმ ისტორიულ დღეს, როდესაც ჩვენ შევხვდებით ნაკრებს, რომელმაც ორი უძლიერესი გუნდი, კერძოდ არგენტინა და ინგლისი გაანადგურა. მათ ძალიან სწრაფი გუნდი ყავთ. ასევე ავღნიშნავდი იმას, რომ გერმანიის ნაკრებში ძალიან ბევრი ახალგაზრდა ფეხბურთელი იყრის თავს. იმედია განმეორდება ევროპის ჩემპიონატის ფინალი და თამაშს მოვიგებთ”.
”როგორც კაპიტანს, მსურს, რომ ვიყო ყველა ჩემი თანაგუნდელისთვის მაგალითი. მომავალ მატჩში უდიდესი პასუხისმგებლობა მაკისრია და იმედია ყველაფერს გავართმევ თავს” - დაასრულა იკერმა.
ინფორმაციის წყარო:realmadrid.com
- 6 ივლისი 2010
- 1 699
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
