ემილიო ბუტრაგენიომ ფეხბურთის მნიშვნელობასა და პანდემიის პირობებში მის როლზე ისაუბრა...

„როდესაც პანდემია დაიწყო, ყველა გაუგებრობაში იყო, დაიხურა სტადიონები, შეწყდა საფეხბურთო მატჩები და ასე შემდეგ. უდიდესი ძალისხმევის შედეგად შევძელით და ფეხბურთელები მოედანზე დავაბრუნეთ, თუმცა ცარიელი ტრიბუნები ძალიან მძიმე შესახედი იყო.“

„ფეხბურთმა ქომაგებს ხალისი დაუბრუნა, თუმცა არენაზე შეკრება მაინც სულ სხვა განზომილებაა, აქ ხდება უდიდესი ემოციების დახარჯვა და სიხარულის გაზიარება.“

„დღეს ჩვენ ბედნიერები უნდა ვიყოთ, ვინაიდან ქომაგები სტადიონებზე დაბრუნდნენ. ისმის ხმაური, მხარდაჭერა, ოვაციები და ბრუნდება ის ელფერი, რომელიც ამ სპორტს აქამდე ჰქონდა.“

„ფაქტია, რომ ფეხბურთი ერთგვარ სოციალურ მოვლენად შეგვიძლია მივიჩნიოთ, რომელიც საზოგადოებაზე უდიდეს გავლენას ახდენს. ამ სპორტმა შეასრულა უდიდესი სოციალური საქმე და დაეხმარა საზოგადოებას.“