ლუკა იოვიჩი ფლორენციის „ფიორენტინას“ რადარზეა. იტალიური გუნდი 2022 წლის იანვარში მადრიდის „რეალს“ ოფიციალური წინადადებით მიმართავს.

„ფიორენტინას“ იოვიჩის 6 თვიანი იჯარით დამატება სურს. აღსანიშნავია, რომ ორ კლუბს შორის საკმაოდ კარგი ურთიერთობაა, რამდენიმე თვის წინ იტალიას „რეალიდან“ ალვარო ოდრიოზოლამაც მიაშურა, რომელიც ფლორენციაში ასევე იჯარის წესით თამაშობს.

ლუკა იოვიჩი ანჩელოტის „რეალში“ ფეხს ვერა და ვერ იკიდებს, „ფიორე“ კი მოთამაშეს გაცილებით მეტ სათამაშო დროს პირდება.

ჯერ-ჯერობით უცნობია ფინანსური დეტალები და ინიციატივის შინაარსი, რომლითაც იტალიური კლუბის ხელმძღვანელობა ფლორენტინო პერესს მიმართავს.