არაერთი ესპანური გამოცემის ცნობით, მადრიდის „რეალის“ პრეზიდენტი, ფლორენტინო პერესი კლუბის ლეგენდარულ ფეხბურთელს, ჩაბი ალონსოს მთავარი მწვრთნელის პოსტზე განიხილავს...

საშუალოვადიან პერსპექტივაში ბასკი სპეციალისტი „რეალის“ მთავარი მწვრთნელის სტატუსს მოირგებს. უკვე რამდენიმე წელია ალონსომ მწვრთნელობა დაიწყო და საკმაოდ ბევრ ლიცენზიასაც ფლობს.

ჩაბი საკმაოდ პერსპექტიულ სპეციალისტად ითვლება, მისი ხედვები, სტილი და ავტორიტეტი ამ შემთხვევაში რა თქმა უნდა, გადამწყვეტი იქნება.

ჯერ-ჯერობით უცნობია, განიხილავს, თუ არა ფლორენტინო ალონსოს ანჩელოტის შემცვლელად, ვინაიდან „რიგში“ რაულ გონსალესიც დგას.

პერესს აღნიშნული გადაწყვეტილება მიღებული აქვს და ბასკთან მიმართებით სერიოზულ მუშაობას გეგმავს.