როგორც სჩანს, სანაკრებო მატჩებმა მადრიდის „რეალს“ დაღი დაასვა. ედერ მილიტაოს შემდეგ ოფიციალურად დადასტურდა, რომ დავიდ ალაბაც ტრავმირებულია.

ავსტრიელ ფეხბურთელს მუხლის დაზიანება აღენიშნება. მოთამაშე მადრიდის „რეალის“ სამედიცინო შტაბთან ერთად სრულფასოვან ტესტირებას გაივლის, რის შემდეგაც დადგინდება, რამდენად სერიოზულ დაზიანებასთან გვაქვს საქმე.

ბუნებრივია, უცნობია, როდის დაუბრუნდება მოედანს დავიდი.

გამოდის, რომ „შახტართან“ დაპირისპირებაში ანჩელოტის ძალიან სერიოზული პრობლემები ექნება. საუკეთესო ვარიანტში დაცვის ცენტრს ვალიეხო და ნაჩო ფერნანდესი დააკომპლექტებენ.