ანხელ დი მარია უკვე მადრიდშია. არგენტინის მეოთხედფინალიდან გამოვარდნისთანავე, დი მარიამ გადაწყვიტა ესპანეთში გაფრენა. სავარაუდოდ მისი პრეზენტაცია ხვალ შედგება.

ფეხბურთელი გაივლის ჯერ მედიცინურ და ფიზიკურ შემოწმებებს, შემდეგ კი მას ბერნაბეუზე წარადგენენ. მას შემდეგ რაც დი მარია პირველად მოირგებს "რეალის" მაისურს და კონტრაქტს ხელს მოაწერს, იგი სამეფო კლუბის სრულუფლებიანი წევრი გახდება. შეგახსენებთ, რომ ანხელი 2016 წლამდე "ბლანკოსის" შემადგენლობაში იქნება და წელიწადში იგი ორ მილიონ ევროს მიიღებს.

როდესაც ანხელ დი მარია სამშობლოში (არგენტინაში) დაბრუნდა, მან განაცხადა: "ძალიან ვნერვიულობდი იმის შესახებ, გადავიდოდი თუ არა მადრიდის "რეალში". სამეფო კლუბში თამაში იმიტომ მინდოდა, რომ "ელ კლასიკოზე" "ბარსელონას" წინააღმდეგ დაპირისპირება ჩემი ოცნება იყო."