დიეგო სიმეონემ „EL Pais“-თან ინტერვიუში ესპანეთის მასშტაბით უშუალო მეტოქეებსა და ბევრ საინტერესო საკითხზე ისაუბრა...

„მე არ ვარ სულელი, ვიცი როგორ მოვუსმინო სხვებს, როგორ გავაანალიზო და გავიაზრო სხვისი პოზიცია, მაგრამ როდესაც მთავარი მწვრთნელის პოსტს ვიკავებ, საბოლოო გადაწყვეტილება ჩემი მისაღებია. წლების წინ ჩამოვედი „ატლეტიკოში“ და მას შემდეგ გუნდთან ერთად დიდ წარმატებას მივაღწიე. 10 წელიწადზე მეტია ვეპაექრებით მსოფლიო დონის გრანდებს „ბარსელონასა“ და „რეალის“ სახით, მაგრამ ჩვენ ჩვენი კვალი დავტოვეთ ესპანურ ფეხბურთში. დღეს „ატლეტიკო“ არამხოლოდ ესპანური, არამედ ევროპული ფეხბურთის გრანდია, რაც ძალიან მახარებს და ბედნიერს მხდის.“

„ახლა საუკეთესო ეპოქა არც „ბარსელონას“ უდგას და არც „რეალს“, თუმცა ისიც ფაქტია, რომ საუკეთესო ფეხბურთით არც „როხიბლანკო“ გამოირჩევა. ჩემი იმედი მომდევნო კვირებია. მჯერა, რომ ფეხბურთელები საუკეთესო თვისებების გამომჟღავნებას შეძლებენ და ამუშავდება მექანიზმი, რომელსაც თვეების განმავლობაში აქტიურად ვაყალიბებდი და ახლაც განვაგრძობ ამ პროცესს.“

„შეტევაში საოცარი ფეხბურთელები გვყავს, რომლებსაც ნებისმიერი გუნდისთვის შეუძლიათ წინააღმდეგობის გაწევა. ჩვენ მოქმედი ჩემპიონები ვართ და გვჯერა, რომ შიდა პირველობაზე დუბლის შესრულება შეგვიძლია.“

„ვიცით, რომ „რეალს“ და „ბარსელონას“ სერიოზულ კონკურენციას გავუწევთ. ეს იქნება გუნდი, რომელიც ბოლომდე იბრძოლებს ყველა მატჩში.“