იტალიური და ესპანური გამოცემების ცნობით, ლუკა იოვიჩმა კარიერა შესაძლოა მილანის „ინტერში“ განაგრძოს, რომელსაც შეტევაში პრობლემები აქვს...

ლუკაკუს წასვლით გამოწვეული ხარვეზები სხვა ფეხბურთელებმა ვერ შეავსეს. ასევე უნდა აღინიშნოს, რომ „შავ-ლურჯების“ შეტევა ძალიან „გადაბერებულია“ და მხოლოდ ახალგაზრდა ლაუტარო მარტინესის იმედზე ყოფნა სწორი არ იქნება.

მილანური კლუბი მადრიდის „რეალს“ ლუკა იოვიჩის ტრანსფერზე მიმართავს. ესპანური გამოცემების ცნობით, „ბლანკოსი“ სერბი ფორვარდის 30 მილიონ ევროდ გაყიდვას დათანხმდება. ეს არის ზუსტად ნახევარი იმ თანხისა, რაც ფლორენტინო პერესმა „აინტრახტს“ გადაუხადა.