დავიდე ბეტონი ზინედინ ზიდანის მთავარი მწვრთნელობის დროს „რეალში“ ძალიან დიდი ავტორიტეტით სარგებლობდა. ლეგენდას ბეტონისთან 35 წელზე დიდი ხნის ურთიერთობა აქვს.

„ზიზუს მადრიდიდან წასვლა ჩემთვის სიურპრიზი არ იყო. 3 თვით ადრე ვიცოდი, რომ ფრანგი ამ გადაწყვეტილებას მიიღებდა. საკმაოდ რთული სეზონის შემდეგ ზინედინმა წასვლის შესახებ ღია წერილი გამოაქვეყნა და მადრიდისტებს დაემშვიდობა.“

„ზიდანი არის ეპოქალური მწვრთნელი და მისი მიღწევების განმეორება ალბათ ძალიან რთული იქნება.“

„როგორ ვმუშაობდით ზიდანთან? უდიდესი წნეხის ქვეშ, თუმცა პროფესიონალიზმს ვიჩენდით და გვჯეროდა საკუთარი თავის.“

„პრესა, ტელევიზიები, ქომაგები, პირადი საუბრები და ასე შემდეგ. ზეწოლა ყოველდღიური იყო და არასდროს წყდებოდა.“

„შედიხარ გასახდელში, სადაც ტოპ ფეხბურთელები გხვდებიან, რომლებსაც სურთ ტიტულების მოგება და ყველა მატჩში განსაკუთრებულ მოტივაციას იჩენენ.“

„ეს ეპოქა დასრულდა, „ბლანკოსი“ კი ახალ გზას დაადგა. მსურს, რომ ზიზუს გარეშეც „მერენგებმა“ დიდ წარმატებას მიაღწიონ.“