ესპანური გამოცემები საკმაოდ მოულოდნელ ინფორმაციას ავრცელებენ. კატალონიური El Mundo, მადრიდული AS და კიდევ სხვა გამოცემები იუწყებიან, რომ მანჩესტერ „იუნაიტედის“ ფორვარდი ედისონ კავანი კლუბიდან წასვლაზე სერიოზულად ფიქრობს და ის „ბლანკოსის“ რადარზეა.

ურუგვაელ ფორვარდს „წითლებთან“ მიმდინარე კონტრაქტი სეზონის ბოლოს უმთავრდება. „ას“-ის ცნობით, კავანიმ გუნდი შესაძლოა 6 თვიანი იჯარის წესით დატოვოს, შემდეგ კი ანჩელოტი გადაწყვეტს უნდა დარჩეს თუ არა ის „ბლანკოსის“ რიგებში.

კავანიმ ამ სეზონში მხოლოდ 104 წუთი გაატარა მოედანზე, მას ოლე გუნარ სულშერი საერთოდ აღარ ენდობა და სულ სხვა გათვლები აქვს.