ანჩელოტი:„„რეალი“ წაგებას არ იმსახურებდა“
კარლო ანჩელოტიმ „შერიფთან“ სამარცხვინო მატჩის შემდეგ პრესკონფერენცია გამართა...
„ამ მარცხის ახსნა ძალიან ძნელია, მაგრამ ყველა ფეხბურთელი ბოლომდე დაიხარჯა. ადრეც ვამბობდი, რომ „შერიფი“ დიდი მოტივაციით ითამაშებდა და საკმაოდ რთული პაექრობა გველოდა, თუმცა ფაქტია, რომ არნახულ უპირატესობას ვფლობდით და გოლის გატანა ძალიან ბევრჯერ შეგვეძლო.“
„ედენ აზარმა კარგად ითამაშა, ბელგიელი გოლის გატანას ცდილობდა, მაგრამ რამდენიმე მომენტში არ გაუმართლა, რაც ძალიან სამწუხაროა.“
„თამაში მცირე ჩავარდნებისა და დეტალების გამო წავაგეთ. სრული კონტროლი გვქონდა, მაგრამ ფაქტია, რომ გამარჯვება სტუმრებს დარჩათ.“
„კამავინგა მარცხნივ, ხოლო ფედერიკო ვალვერდე მარჯვნივ იწევდა. ეს მათი დავალება იყო. ორივე მოთამაშეს აქვს ცენტრიდან ფლანგზე მოძრაობის გამოცდილება.“
„მსაჯზე კომენტარს არ გავაკეთებ. ეს იყო ჩემი 130-ე მატჩი ჩემპიონთა ლიგაზე და დაფიქსირდა პირველი შემთხვევა, როდესაც პატივისცემით არ მომმართეს.“
„მატჩის შემდეგ ბენზემას მივულოცე, მან ისტორიული გოლი გაიტანა. ფრანგს ვუთხარი, რომ ასეთ ტემპში თამაში უნდა განაგრძოს.“
„მოდით ყველა შევთანხმდეთ, რომ ჩემი გუნდი წაგებას არ იმსახურებდა. ჩვენ აუცილებლად გამოვასწორებთ სიტუაციას და ჯგუფში პირველი ადგილის დაკავებას შევეცდებით.“
„როგორც სჩანს, კონკურენცია საკმაოდ მაღალი იქნება. „შერიფი“ აღარ ხუმრობს, ეს გუნდი 1/8 ფინალისთვის იბრძოლებს.“
- 29 სექტემბერი 2021
- 11 138
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
