ფაბიო კანავაროს აზრით, მადრიდის „რეალის“ მთავარი პრობლემა ცენტრალური მცველია და არა თავდასხმის ხაზი...

„დიახ, აგვისტოს ბოლოს ძალიან ბევრი ინფორმაცია იწერებოდა მბაპეს „რეალში“ გადასვლასთან დაკავშირებით და ფლორენტინო პერესის შემართების შესახებ, თუმცა ჩემი აზრით, ანჩელოტის ფორმაციის „ბლანკოსს“ ცენტრალური მცველი სჭირდება და არა წინახაზელი.“

„ბენზემა, ვინისიუსი, აზარი და სხვა ტოპ კლასის მოთამაშეები სანახაობას დგამენ, თუმცა უკანა ხაზში აშკარა ხარვეზები და პრობლემებია.“

„„რეალს“ სერხიო რამოსის შემცვლელის მოძიება ძალიან გაუჭირდება, ესპანელი უძლიერესი გახლდათ, როგორც ფიზიკურად, ასევე მენტალურად, ის გუნდს ყოველთვის დადებით მუხტს აძლევდა.“