ნახევარფინალში ერთმანეთს ესპანეთი და გერმანია დაუპირისპირდებიან. ეს ორი გუნდი ევრო 2008-ზე ერთმანეთს ფინალში შეხვდა და მატჩი ესპანელთა გამარჯვებით დასრულდა. ოთხშაბათს ისინი ისევ შეხვდებიან ერთმანეთს და გაარკვევენ, რომელ ნაკრებს ეკუთვნის ფინალის საგზური.

გერმანელებს ბოლო წლების მანძილზე საუკეთესო შემადგენლობა ჰყავთ, მათ პირველ ადგილზე დაასრულეს D-ჯგუფი, შემდეგ კი ცივსისხლიანად გაუსწორდნენ ჯერ ინგლისელებს (4:1), შემდეგ კი - არგენტინელებს (4:0). ესპანეთიც ლიდერის რანგში მოგვევლინა თავის ჯგუფში და შემდეგ გასცდნენ პორგუგალიასა (1:0) და პარაგვაის (1:0), ოღონდ შედარებით მოკრძალებული ანგარიშით და ესპანური ფეხბურთის ისტორიაში პირველად მიაღწიეს ნახევარფინაში. მადრიდის რეალის მხრიდან ესპანეთის ღირსებას დაიცავენ იკერ კასილასი, სერხიო რამოსი, ხაბი ალონსო, ალვარო არბელოა და რაულ ალბიოლი. ისინი მაქსიმუმს გიღებენ ფინალში მოსახვედრად.