ასენსიო: „ეს არის ჩემი პოზიცია“
მარკო ასენსიო ყოფილი გუნდის წინააღმდეგ დიდებულად გაისარჯა. მან მალიორკელების კარში ჰეთ-თრიქი შეასრულა.
„კმაყოფილი ვარ. საწყისი წუთებიდან თამაშის შანსი მომეცა და ვიცოდი, რომ ეს უნდა გამომეყენებინა. გუნდმა მორიგი გამარჯვება მოიპოვა და ჩვენ ვაგრძელებთ წინსვლას, რაც მნიშვნელოვანია. ჩემთვის მეტად განსაკუთრებული შეხვედრა იყო, ვინაიდან სწორედ „მალიორკაში“ დავიწყე საფეხბურთო კარიერა და ეს კლუბი ჩემს გულთან ძალიან ახლოსაა.“
„მწვრთენლს ვაჩვენე, თუ რა მოლოდინები შეიძლება ჰქონდეს ჩემგან. სამომავლოდ არა ერთი შესაძლებლობა იქნება და მთავარია, რომ მაქსიმალურ მზადყოფნაში შევხვდე. ანჩელოტიმ სწორედ იმ პოზიციაზე გამამწესა, სადაც ყველაზე კომფორტულად ვგრძნობ თავს.“
`ჰეთ-თრიკი შევასრულე, ანჩელოტიმ კი მითხრა, რომ ასე უნდა გავაგრძელო და აუცილებლად მივიღებ სათამაშო დროს.“
„გუნდმა ძალიან კარგად იასპარეზა. ჩვენი მიზანია წარმატებული სეზონის დადება.“
„ყველას მოგვენატრა გულშემატკივრების წინაშე ბურთაობა. ეს ნამდვილად ემოციური იყო. მადლობას ვუხდი ქომაგებს, რომლებიც „სანტიაგო ბერნაბეუზე“ შეიკრიბნენ. განვლილ პაექრობაში ფეხბურთელები ბოლომდე დავიხარჯეთ. საკმაოდ ეფექტურად გამოვიყურებოდით, როგორც თავდასხმაში, ასევე დაცვით ხაზში. ვფიქრობ, ჩვენთან ერთად მაყურებლებმაც მიიღეს სიამოვნება.“
- 23 სექტემბერი 2021
- 9 312
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
