„რეალის“ გოლეადორმა მორიგი შესანიშნავი მატჩი ჩაატარა.

„მალიორკას“ წინააღმდეგ შესრულებული დუბლის წყალობით, ბენზემა უკვე 200 გოლს მოითვლის პრიმერა დივიზიონის მასშტაბით, რაც სამეფო კლუბის ისტორიაში მე-4 საუკეთესო შედეგია. კარიმის წინ მხოლოდ ისეთი ლეგენდარულ მოთამაშეებს ვხვდებით, როგორებიც არიან: კრიშტიანუ რონალდუ (312 გოლი), რაული (228) და დი სტეფანო (216).

ფრანგი ფეხბურთელის სადებიუტო გოლი ესპანეთის ჩემპიონატში, 2009 წლის 29 აგვისტოს, „დეპორტივოს“ წინააღმდეგ შედგა. საერთო ჯამში ბენზემა 13 სეზონსა და 380 ჩატარებულ შეხვედრას მოითვლის აღნიშნულ ტურნირზე. ის ყველაზე შედეგიანი 2015/2016 წლებში იყო, როდესაც 24 შედეგიანი დარტყმა განახორციელა მეტოქეების წინააღმდეგ.

„მალიორკასთან“ ნამატჩევს, ფლორენტინო პერესმა სამახსოვრო მაისური გადასცა „ცხრიანს.“