მადრიდის „რეალის“ სერბი ფორვარდი, ლუკა იოვიჩი ტურინის „იუვენტუსს“ დაუკავშირეს, რომელიც კატასტროფულ მდგომარეობაშია და სერია „ა“-ში ჯერ-ჯერობით გასავარდნ ზონაში იმყოფება.

Defensacentral-ის ინფორმაციით, იანვარში „ბებერი ქალბატონი“ მაქსიმალურად ეცდება გაძლიერებას და „რეალის“ რამდენიმე ფეხბურთელიც ჰყავს რადარზე.

ერთ-ერთი ფიგურა ისკოა, მაგრამ ჯერ-ჯერობით უცნობია, მოხერხდება თუ არა ნახევარმცველის ტურინში ტრანსფერი.

მეორე და საკმაოდ სერიოზული მიზანი კი ლუკა იოვიჩი გახლავთ. „იუვეს“ ხელმძღვანელობა სერბ ფორვარდთან 6 თვიანი საიჯარო ხელშეკრულების გაფორმებას აპირებს.

თუ ბენზემა ჯანმრთელია, ის მოედანზე შეუცვლელად თამაშობს, იოვიჩი კი მწვანე მინდორზე ფაქტობრივად არ ჩნდება, ამიტომ მისი წასვლა სავსებით რეალურია.

იმ ფონზე, რომ „იუვენტუსს“ ყველგან უჭირს და განსაკუთრებით ამის თქმა თავდასმაზე შეიძლება, სერბი თავდამსხმელი საკმაოდ კარგ შანსს მიიღებს თავის გამოსაჩენად.