ვინისიუს ჟუნიორმა „ვალენსიასთან“ მატჩში გამარჯვების დაფიქსირებაში დიდი წვლილი შეიტანა. ბრაზილიელმა ფეხბურთელმა დაპირისპირების შემდეგ ჟურნალისტებთან ისაუბრა...

„ეს არის მწვრთნელის და მთელი გუნდის ჩატარებული სამუშაოს დემონსტრირება. სანამ გოლს გავუშვებდით რამდენიმე კარგი მომენტი გვქონდა, მაგრამ მოვლენები პირიქით განვითარდა. როდესაც დურომ გოლის გატანა მოახერხა, მატჩის დასრულებამდე დიდი დრო არ იყო დარჩენილი, მაგრამ ვკოცენტრირდით და შესაბამის შედეგსაც მივაღწიეთ. „მესტალიაზე“ მოგება მარტივი არ არის, მაგრამ „რეალმა“ ეს მოახერხა, რაც ძალიან მახარებს.“

„თუ ლა ლიგის მოგება გვსურს, მსგავსი სახის რთული მდგომარეობიდან გამოსავლის ძებნა უნდა ვიცოდეთ. დღეს ჩვენ ერთ-ერთი ძალიან პრინციპული და მნიშვნელოვანი პაექრობა მოვიგეთ უშუალო კონკურენტთან, რომელიც ცხრილის სათავეში იმყოფებოდა.“

„ახლა დავისვენებთ და გამარჯვებით ვისიამოვნებთ, რომელიც დამსახურებულად მოვიპოვეთ. მიხარია, რომ გუნდის წარმატებაში წვლილი შემაქვს და უკვე ამდენი გოლის გატანა შევძელი, ეს ჩემთვის უმნიშვნელოვანესი რამ არის.“