ვალდანო:„„რეალისთვის“ ლა ლიგის მოგება შესანიშნავი შედეგი იქნება“
ხორხე ვალდანოს აზრით, მიმდინარე სეზონში „რეალისთვის“ ლა ლიგის მოგება შესანიშნავი შედეგი იქნება.
„ყველა ვთანხმდებით, რომ „რეალს“ ბოლო წლების უძლიერესი შემადგენლობა არ ჰყავს. მეტიც, ალბათ რესურსის მხრივ, ყველაზე რთული მდგომარეობაა, თუმცა მეტოქეებიც დასუსტდნენ, რაც კარლო ანჩელოტის გუნდს შანსს აძლევს.“
„ეს არის გარდამტეხი სეზონი, ხოლო 2022 წელს ფლორენტინო სუპერ ვარსკვლავებს შეიძენს და ახალ ბერნაბეუზე გაცილებით ძლიერ გუნდს ვიხილავთ.“
„ზუსტად შემიძლია ვთქვა, რომ კარლო დიდ ყურადღებას მიაქცევს სამეფო თასსაც. თუ სეზონი „რეალის“ დუბლით დასრულდება, ეს იდეალური მიღწევა იქნება.“
„ჩემპიონთა ლიგა? როდესაც „ბლანკოსზე“ ვსაუბრობთ, ყოველთვის უნდა ვთქვათ, რომ გუნდი ევროსარბიელზეც ფავორიტია, თუმცა ყველა ტურნირზე თანაბრად ბრძოლას გაცილებით მეტი რესურსი სჭირდება, ვიდრე ამ ეტაპზე მადრიდულ გრანდს აქვს.“
- 18 სექტემბერი 2021
- 964
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
