OKDiario-ს ცნობით, ერლინგ ჰოლანდის აგენტი, მინო რიაოლა ჟოან ლაპორტასთან ახლაც არის კავშირზე და ფეხბურთელის კატალონიაში ჩაყვანას მიესალმება, მაგრამ ტრანსფერს ბევრი შეფერხება აქვს.

პირველ რიგში უნდა აღინიშნოს, რომ „ბლაუგრანას“ სერიოზული ეკონომიკური პრობლემები აქვს და აქტიური სატრანსფერო პოლიტიკის წარმოებას ვერ მოახერხებს.

მეორე ფაქტორი თავად ჰოლანდის სურვილია, რომელიც „რეალს“ უკავშირდება. რამდენიმე დღის წინ ნორვეგიელმა ღიად თქვა, რომ მადრიდის „რეალი“ მისი კარიერის ოცნებაა.

ფლორენტინო პერესს აქვს ფულიც და სხვა რესურიც იმისთვის, რომ ერლინგის ტრანსფერი დაასრულოს.