მოგეხსენებათ, ხვალ თბილისის დროით 23:00 საათზე მადრიდის „რეალი“ „ვალენსიას“ დაუპირისპირდება. შეხვედრა „მესტალიაზე“ შედგება, სადაც „თეთრებს“ ბოლო დროს ძალიან უჭირთ.

ბოლო 7 დაპირისპირებიდან, რომელიც ვალენსიაში შედგა, მადრიდულ გრადმა 4 წააგო, 2 ფრედ დაასრულა და მხოლოდ 1 მოიგო.

2014/15 წლების სეზონის შემდეგ „მერენგებმა“ „მესტალიაზე“ მხოლოდ ერთხელ მოიგეს ანგარიშით 1-4, ეს შერკინება 2017/18 წლების სეზონში შედგა, ყველა დანარჩენი დაპირისპირება არადამაკმაყოფილებელი შედეგით დასრულდა.

„ვალენსიას“ არენაზე ბოლო გამართული შეხვედრა გასულ სეზონში ვიხილეთ, სადაც „ღამურებმა“ „რეალი“ 4-1 დაამარცხეს.