ტურინის „იუვენუსი“ ხელმძღვანელობა აგონიაშია. გუნდის ნაჩვენებმა შედეგებმა ხელმძღვანელობა ძალიან გააკვირვა და გააღიზიანა. იტალიური გამოცემების ცნობით, „ბებერი ქალბატონი“ იანვარში 2 ფეხბურთელის დამატებას შეეცდება.

ინტერესის სფეროში ისკო ალარკონიც არის, რომელსაც „რეალთან“ კონტრაქტი სულ რაღაც 9 თვეში ეწურება.

იტალიელთა ცნობით, „იუვე“ ისკოს 6 თვიანი იჯარით აიყვანს, შემდეგ კი 4 წლიან კონტრაქტს გაუფორმებს.

ეს წინადადება პერესისთვისაც საინტერესო იქნება, ვინაიდან იანვრიდან 30 ივნისამდე ალარკონი დაახლოებით 4 მილიონ ევროს გამოიმუშავებს, ეს თანხა კი არა „ბლანკოსის“ არამედ „იუვენტუსის“ გადასახდელი გახდება.

„რეალს“ ესპანელის გაშვება გადაწყვეტილი აქვს, აქედან გამომდინარე, „იუვეს“ მხრიდან სერიოზული ნაბიჯების გადადგმის შემთხვევაში ისკოს სერია „ა“-ში გადასვლის შანსი დიდია.