მადრიდის „რეალის“ ლეგენდარულმა თავდამსხმელმა, ივან ზამორანომ კლუბში არსებულ სიტუაციაზე ისაუბრა. ზამორანო ასევე შეეხო ერლინგ ჰოლანდისა და კილიან მბაპეს „ბლანკოსის“ რიგებში ტრანსფერს...

„კარლო ანჩელოტი საკმაოდ კარგი მწვრთნელია, რომელმაც გარეთ ბეილს მოტივაცია აუმაღლა, კარიმ ბენზემა კიდევ უფრო გახსნა, კროოსი-მოდრიჩის დუეტს იდეალურად გამოიყენებს, ხოლო კაზემიროს სრულფასოვნად აათვისებინებს მოედნის ცენტრს.“

„აუცილებლად უნდა აღვნიშნო ფედერიკო ვალვერდე და მისი შემართება, ტიბო კურტუას საიმედო მეკარეობა და დავიდ ალაბას სათამაშო კლასი.“

„ერთიანობაში „მერენგებს“ შესაბამისი რესურსი აქვთ, თუმცა მთავარი ისაა, რომ ყველამ თავისი მაქსიმუმი აჩვენოს. დიახ, ყველაზე მნიშვნელოვანი სწორედ ეს არის, ვიანდაინ ამ შემთხვევაში „რეალი“ იბრძოლებს, როგორც ლა ლიგის ასევე ჩემპიონთა ლიგის მოსაგებად.“

„მბაპე მრავალმხრივი მოთამაშეა, მას უფრო გარემაბარბად აღვიქვამ, ვიდრე ცენტრ ფორვარდად. უდავოა, რომ სულ ცოტა ხანში კილიანს მსოფლიოს საუკეთესო ფეხბურთელის წოდება ექნება. სისწრაფე და ტექნიკა, რომელიც ლოტინს აქვს, ნამდვილად იშვიათია. ის არასდროს მარცხდება ერთი ერთზე და ყოველთვის ნაყოფიერია დამაგვირგვინებელ ფაზაში.“

„შეტევების უმეტესობას კილიანი თვითონ ქმნის, ყველაფერს საჯარიმოს გარედან იწყებს და შემდეგ გოლები გააქვს, სწორედ ამიტომ არ მივიჩნევ მას, ტიპიურ ცენტრ ფორვარდად.“

„კილიანს ბევრად უფრო სრულყოფილ ფეხბურთელად მივიჩნევ, ვიდრე ერლინგ ჰოლანდს. ნორვეგიელი შესანიშნავი გოლეადორია, მაგრამ ის სისტემას უნდა მოერგოს, ხოლო ლოტინის სტილის მოთამაშეები ნებისმიერ კლუბს ერგებიან. ვფიქრობ, ორივეს ტრანსფერის შემთხვევაში, ანჩელოტის გუნდი ძალიან გაძლიერდება და საუკეთესო შეტევას მივიღებთ.“

„მე არ ვიცი, როდის შედგება ტრანსფერები, რა ეტაპზეა მოლაპარაკებები, თუმცა მსოფლიოს საუკეთესო ფეხბურთელებს ნამდვილად ვხედავ მადრიდულ გრანდში.“