Defensacentral-ის ინფორმაციით, მადრიდის „რეალი“ პოლ პოგბასთან წინასწარი შეთანხმების მიღწევას 2022 წლის იანვარში არ ეცდება. ფლორენტინო პერესის მთავარი მიზანი ზამთარში კილიან მბაპეს ტრანსფერის სრულყოფა იქნება...

პოლს მანჩესტერულ გრანდთან კონტრაქტი ეწურება და არაერთი გამოცემის ცნობით, თანამშრომლობა აღარ გაგრძელდება. ფრანგ ნახევარმცველს მადრიდის „რეალში“ სურს გადასვლა.

ფაქტია, რომ „ბლანკოსი“ პოლისთვის ბრძოლაში ფავორიტი იქნება, თუმცა მოლაპარაკებები მხოლოდ ზაფხულში დაიწყება.

მიუხედავად იმისა, რომ 1 იანვრიდან პოგბას ოფიციალურად ექნება მსურველ კლუბებთან მოლაპარაკებების უფლება, „რეალი“ სიჩქარეს არ აპირებს და სურს, რომ მთელი რესურსი მბაპეს მოახმაროს.