2020 წლის 21 მარტს, კორონავირუსს მადრიდის „რეალის“ ყოფილი პრეზიდენტი, ლორენცო სანსი ემსხვერპლა...

სამწუხაროდ, მას შემდეგ „რეალს“ სანტიაგო ბერნაბეუზე არ უთამაშია, თუმცა ეს იმას არ ნიშნავს, რომ კლუბში ერთ-ერთი საუკეთესო პრეზიდენტი დაივიწყეს.

„სელტასთან“ მატჩის წინ ბერნაბეუზე ლორენცოს გაიხსენებენ.

აღსანიშნავია, რომ სანსის მმართველობის პერიოდში მადრიდულ გრანდმა 7 ტიტული მოიგო, მათ შორის იყო ჩემპიონთა ლიგის 2 თასი.

გარდა ლორენცო სანსისა, ბერნაბეუზე გაიხსენებენ ყველა იმ ლეგენდას, რომელიც არსებულ პანდემიას ამ ხნის განმავლობაში ემსხვერპლა.