რონალდო:„მბაპე მე მგავს, ის „რეალში“ საუკეთესო იქნება“
რონალდო ნაზარიო განცხადებით, კილიან მბაპეს „რეალში“ გადასვლა დროის საკითხია, „პსჟ“-ს კი ჩემპიონთა ლიგის მოგების გარანტია არ აქვს...
„მბაპე საოცარი ფეხბურთელია, ის ბევრი თვისებით მე მგავს და მჯერა, რომ კიდევ მოუმატებს. ფრანგის ქმედებები ხანდახან გიჟურია, მოთამაშე დიდებული მანევრით გამოირჩევა.“
„მიუხედავად იმისა, რომ ლოტინი ახალგაზრდაა, ის უკვე დიდ გამოცდილებას ფლობს, როგორც საკლუბო, ასევე სანაკრებო ასპარეზზე.“
„მბაპე ძალიან სწრაფია, არასდროს ნებდება, შესანიშნავად ტყუებს მცველებს და დამაგვირგვინებელ ფაზაშიც საოცრად თამაშობს.“
„ის, რომ კილიანი ადრე თუ გვიან მადრიდში გადავა, საკვირველი არ არის. დიახ, „პსჟ“-ს სურდა, რომ მბაპეს, მესისა და ნეიმარის მაგიური ტრიო შეენარჩუნებინა, თუმცა მერწმუნეთ, არნახული შემადგენლობა ჩემპიონთა ლიგის მოგების გარანტიას არ იძლევა. ეს არ არის მათემატიკა და სხვა ზუსტი მეცნიერება.“
„„გალაქტიკოში“ თითქმით 5 წელი ვითამაშე, ჩემთან ერთად მოედანზე ზიდანი, ფიგუ, ბექჰემი, კარლოსი და სხვა ტოპ ვარსკვლავები იყვნენ, მაგრამ ჩემპიონთა ლიგა ვერ მოვიგეთ. ეს არის ტიპიური მაგალითი იმისა, რომ გარანტიები არ არსებობს.“
- 7 სექტემბერი 2021
- 5 154
- 14