2022 წლის 30 ივნისს, გარეთ ბეილს მადრიდის „რეალთან“ კონტრაქტი უსრულდება, მისი მომავლის შესახებ კი ბევრი არაფერია ცნობილი...

ესპანური გამოცემების ცნობით, „ბლანკოსთან“ კონტრაქტის გახანგრძლივების შანსი გარეთს იმ შემთხვევაში მიეცემა, თუ მიმდინარე სეზონი ნაყოფიერი იქნება, თუმცა უელსელს ძალიან სერიოზულ დათმობებზე მოუწევს წასვლა.

პირველ რიგში უნდა აღინიშნოს, რომ „ბლანკოსი“ მას მაქსიმუმ 2 წლიან განახლებას შესთავაზებს, სადაც მოთამაშის ხელფასი 17 მილიონიდან 7.5 მილიონ ევრომდე შემცირდება.

ის, რომ გარეთი ახლა „მერენგების“ სადარაჯოზე დგას თავიდან ბოლომდე კარლო ანჩელოტის დამსახურებაა, ამიტომ იტალიელი სპეციალისტის მადრიდულ კარიერაზეც ბევრი რამ იქნება დამოკიდებული.