როგორც იცით, "სანტიაგო ბერნაბეუს ტროფეიზე," რომელიც 24 აგვისტოს გაიმართება, "რეალის" მეტოქე ბრაზილიური "კორინთეასი" უნდა ყოფილიყო.

სამხრეთ ამერიკულმა კლუბმა, სადაც ყოფილი მადრიდისტები, რონალდო და რობერტო კარლოსი გამოდიან, უარი თქვა თამაშში მონაწილეობაზე.ბრაზილიელები ამის მიზეზად ასახელენ იმ ოფიციალურ მატჩს, რომლის გამართვაც მათ უწევთ ქვეყნის ერთ-ერთ ტურნირზე.

მაშასადამე, "ესტადიო სანტიაგო ბერნაბეუს" პუბლიკა, თასის გათამაშებაზე საქმეში ვერ იხილავს დიად მადრიდისტებს.ჯერჯერობით გაურკვეველია, თუ ვინ ჩამოვა მადრიდში, "რეალთან" საპაექროდ."ას"-ს ინფორმაციით, იმ შემთხვევაში, თუ რაულმა კარიერის დასრულება გადაწყვიტა, შესაძლოა ესპანეთის დედაქალაქს მსოფლიო ნაკრებიც კი ეწვიოს.